Eng Qulay Avtokreditlar
2026-yil oktabr holatiga koʻra Oʻzbekiston banklaridagi avtokredit foizlari: yillik stavka, boshlangʻich toʻlov va kredit muddati
Статья доступна на русском языке.
2026-yil oktabr holatiga koʻra, jismoniy shaxslarga yangi avtomobil xarid qilish uchun umumiy avtokredit dasturlari boʻyicha eng past stavkani «Sanoat Qurilish Bank» (SQB), Milliy bank va «Ipak yoʻli bank» taqdim etayotgan boʻlsa, eng yuqori stavka «Anorbank» va «Asaka bank» tomonidan taklif etilmoqda.
Quyidagi jadvalda banklarning umumiy avtokredit dasturlari boʻyicha yillik foiz stavkasi, boshlangʻich toʻlov va kredit muddati keltirilgan.
| Bank | Foiz, boshlangʻich toʻlov, muddat |
|---|---|
| Anorbank | 8–27% (Avtokredit 4.0), 33% (Avtokredit 3.0); 10% dan; 60 oygacha |
| Kapitalbank | 0–19,5% (faqat Cobalt); 25% dan; 60 oygacha |
| Hamkorbank | 23,99–28%; 25% dan; 5 yilgacha |
| Ipak yoʻli bank | 20,9–24,9%; 25% dan; 60 oygacha |
| Tenge Bank | 22,9%; 26% dan; 48 oygacha |
| Tenge Bank (elektromobillar) | 27,9%; 26% dan; 48 oygacha |
| Asia Alliance Bank | 21–26%; 25% dan; 60 oygacha |
| InfinBANK | 26,99%; 20% dan; 48 oygacha |
| Trastbank | 21–23,9%; 25% dan; 60 oygacha |
| Davr Bank (BYD) | 26,99%; 15%; 60 oygacha |
| Octobank | 24%; 25%; 60 oygacha |
| Orient Finans bank | 21,9–24,5%; 25% dan; 60 oygacha |
| Ipoteka bank | 0–25% (brendlar boʻyicha dasturlar); 25% dan; 5 yilgacha |
| Turon bank | 20,99–22,99%; 25% dan; 60 oygacha |
| Milliy bank | 20–22%; 20% dan; 60 oygacha |
| Xalq bank | 23–24%; 25% dan; 60 oygacha |
| Sanoat Qurilish Bank | 20–22%; 25% dan; 60 oygacha |
| Asaka bank | 24,9–29,9%; 20% dan; 60 oygacha |
| Agrobank | 23–26%; 25% dan; 60 oygacha |
| Aloqabank | 23–24,5%; 15% dan; 60 oygacha |
«Ipak yoʻli bank» yillik 22,9–24,9% foiz stavkasi, boshlangʻich toʻlov 25%, 5 yil muddatga, hamda kredit miqdori 800 mln soʻmgacha boʻlgan shartlarda kredit taklif etmoqda. 12 oyga stavka 20,9%.
«Orient Finans bank»da avtokredit olish shartlari: boshlangʻich toʻlov 25% boʻlsa foiz stavkasi 24,5%, 50% dan ortiq boʻlsa 21,9%, kredit miqdori 800 mln soʻmgacha, kredit muddati 60 oy.
«Turon bank» mijozlarga quyidagi shartlar asosida avtokredit taklif qilmoqda: yillik foiz stavkasi 20,99–22,99%, boshlangʻich toʻlov 25–30% dan, kredit muddati 60 oy va kreditning maksimal qiymati 2000 BHM, yaʼni 880 mln soʻmgacha.
Avval «Ravnaq bank» nomi bilan ishlagan «Octobank» 2026-yil iyulidan avtokredit bermoqda: boshlangʻich toʻlov 25%, yillik foiz stavkasi 24%, 2026-yil 31-dekabrgacha bankning korporativ mijozlari xodimlari uchun 21%, muddat 60 oygacha.
«Xalq bank» boshlangʻich toʻlov 25% boʻlganda yillik 24%, ish haqi loyihasi ishtirokchilariga 23% stavkada, 60 oygacha muddatga va 600 mln soʻmgacha kredit ajratmoqda.
Shu oʻrinda taʼkidlash joizki, brend dasturlari va 0% aksiyalardan tashqari umumiy dasturlar boʻyicha eng past stavkani «Sanoat Qurilish Bank» (12 oygacha 20%), Milliy bank (30% boshlangʻich toʻlovda 20%), «Ipak yoʻli bank» (12 oyga 20,9%) va «Turon bank» (50% boshlangʻich toʻlovda 20,99%) taqdim etayotgan boʻlsa, eng yuqori stavka «Anorbank» (33%) va «Asaka bank» (29,9% gacha) tomonidan taklif etilmoqda.
Chevrolet Onix, Tracker, Damas va Cobalt, shuningdek Kia, Chery, Haval, Changan va BYD uchun koʻplab banklar avtosalonlar bilan birgalikda 0% dan boshlanadigan stavkali avtokredit beradi.
Avtokredit nima va uni qanday olish mumkinligi haqida: Avtokredit nima?
Maʼlumotlar tijorat banklarining veb-saytlaridan olingan boʻlib kredit shartlari oʻzgarishi mumkin. Batafsil maʼlumot uchun bankning veb-saytiga tashrif buyurishingiz mumkin.
